日本東京高人氣的「燒肉LIKE」(焼肉ライク／Yakiniku Like) 終於來到香港啦！
之前一直計劃要去台北京站店，可惜疫情期間不能去旅行，結果竟然等到香港開店～
一人一爐單人無煙燒肉的設計，實在太適合我呢種單身毒毒，唔洗再怕尷尬了！
見到 openrice 仲未有食評，所以就搶先同大家分享下啦～
香港 燒肉LIKE Menu：
香港首間燒肉LIKE分店地址：沙田新城市廣場一期4樓408號舖（近I.T、LEGO Store對面）
營業時間：上午11時半至晚上9時。
雖然燒肉Like開業已經一個多月，但平日依然要排隊！！
我在下午三點拿到籌號，當時前面仲有60個號碼，我大約等左90分鐘。
收銀位有標示預測等候時間，準確度算高，拿到籌可以根據等候時間預早少少到達就可以了！
提提大家，燒肉LIKE不設訂位 ，只可以walk-in排隊。
我嗰日（平日）下午4點半就停止派籌，所以要吃晚餐都要盡早去攞籌啦！
燒肉Like 用餐時間一小時，最後點餐時間是8點半。
入到去之後，店員會俾一張印有QR Code既單俾你，掃描QR Code就可以見到menu，直接在手機點餐。
一人一爐單人燒肉設計，可以望到對面燒緊咩～
枱面仲有一個口罩收納紙袋。
我選了最抵食既：豬五花腩&雞腿肉套餐，只需要$48元（100g份量）
套餐包括白飯、和風湯（海帶湯），泡菜或迷你沙律（二選一）
值得注意的是白飯的份量可以自己選擇（不用加錢！）
有100g/200g/300g，身為飯桶的我選擇了300g，實物真係非常大份呀！
餐點好快就送到，左手邊有個開爐制，調整火力就可以燒啦！
燒肉Like個爐溫度不高，燒熱既時間較長，所以可以直接調到最高溫。
比起深水埗 やき肉 燒肉店既爐好，不怕燒得太熟（呢間都係單人燒肉，好食，非常推薦！）
調味料方面，有8款可以俾你自由配撘，可以問店員攞。
餐具係櫃桶入面，有附濕紙巾和牙籤，非常貼心！
燒肉LIKE 試吃食評：
豬五花腩非常好食，雞都好滑。
但係和風湯和迷你沙律就偏咸，如果怕咸可以選擇泡菜！
套餐雖然好抵食，但肉既份量偏少
建議大食可以選 150g－300g 套餐，或者100g加單品。
小鳥胃都可以選擇100g加半份單品呀。
300g飯量真的幾大，如果想食肉類為主，揀100g/200g即可。
店員推介我可以問佢要蒜蓉拌飯XD！
留意：燒肉Like 結帳 只接受電子支付，不收現金呀！
電子支付包括：Apple Pay, Google Pay, Samsung Pay, WeChat 微信支付, Alipay 支付寶, 八達通
燒肉Like 地址：沙田新城市廣場一期4樓408號舖 → 商場地圖
營業時間：11:30-21:00 （用餐時間1小時，20:30 最後點餐）
燒肉Like 推薦餐點：豬五花腩&雞腿肉套餐 $45 /100g $72 /200g
上面提到的深水埗平價日本燒肉店－やき肉 Yakiniku Openrice連結
留言列表
